Xornadas tecnolóxicas rapaciñ@s

O CPEIG e a Amtega poñen en marcha as xornadas tecnolóxicas rapaciñ@s o vindeiro 3 de outubro na cidade da cultura

• Enrique Dans e Rocío Ramos-Paul ofrecerán a pais e nais orientación sobre os riscos e vantaxes das redes a través de senllas conferencias
• Nenos e nenas de entre 8 e 14 anos poderán participar en diferentes obradoiros a prol dun uso seguro da Internet
• Non é necesaria inscrición as prazas para as conferencias e obradoiros cubriranse por orde de chegada

 

Obradoiros para nen@s

Obxectivo: Ofrecerlles aos menores actividades relacionadas coas novas tecnoloxías nas que se combinan o aspecto lúdico co didáctico.

Idades recomendadas: de 8 a 14 anos.

Horario: De 16.30 H. a 20.00 H.

Temáticas: navegación segura e creatividade tecnolóxica.

• Makey-makey (robótica para nen@s).
• Protección de datos.
• Realidade aumentada.
• Minecraft.
• Lego.
• Usos sen riscos de Internet e telefonía móbil.

Lugar: Espazos abertos da Cidade da Cultura, próximos ao auditorio.

Empresas encargadas dos obradoiros: Bq, Imaxin Software, Tech Academy e Vodafone-Pantallas Amigas.

 

http://www.cpeig.org/portal/system/files/175/2593/Rapacins_Programa.pdf

A Casa da Conexa (Gallego)

O programa da TVG A Casa da Conexa parece ter unha clara vocación transmedia, e ao igual que tamén consegue ter certa proxección na Rede cos algúns fragmentos do espazo televisivo na procura da viralidade, e de contar con numerosa mercadotecnia, agora atrévense a dar o salto aos videoxogos, estreando A Casa da Conexa: A Invasión de Ardebullo para dispositivos móbiles con Android.

Este xogo desenvolvido por Ficción Producciones, que podemos descargar de balde de Google Play(agardándose que chegue en breve á App Store) está claramente inspirado no célebre Plantas vs. Zombies, xa que nos presenta a Mucha e Nucha tendo que protexer a Ardebullo e ao mundo dunha vaga de animais zombi provocada polo malvado Pepe de Rumbo, que infectou con radioactividade a animais que converteu nun auténtico perigo aos que as cantareiras deberán enfrontarse cun orixinal armamento que vai dende escopetas de rollas até pementos de Padrón e botellas de licor-café.
A mecánica do xogo é moi sinxela, consistindo en elixir a arma da cantareira que queremos disparar e premendo sobre a pantalla para disparar ás vagas de inimigos que se desprazan pola pantalla. Un xogo moi arcade, no que podemos progresar fase a fase, contando entre as mesmas cunha divertida viñeta de Mucha e Nucha na que incluso podemos escoitar as súas voces orixinais para converter a experiencia de xogo nunha diversión imprescindible para os seus seareiros.

https://play.google.com/store/apps/details?id=com.ficcion.acasadaconexa

 

Fonte:  Código Cero